méy makron we mérkél bilen jasus skripalning zeherlinish kirizisi toghrisida sözleshti

türkiye awazi radiyosi xewiri: engliye bash wezirlik ishxanisi – 10 nomur yazma bayanat élan qilip, térésa méyning bélgiyening paytexti biryussélda chaqirilghan yawropa ittipaqi bashliqlar yighini dairiside makron we mérkélgha qosh yönilishlik jasus sérgéy skripal we qizi yulianing zeherlinish weqesige alaqidar özgirishler heqqide melumat bergenlikini uqturdi.

térésa méy, makron bilen mérkélgha engliyelik mutexessislerning weqede ishlitilgen ximiyelik maddining rusiye teripidin ishlepchiqirilghanliqi qeyt qiliniwatqan nowichong türidiki ximiyelik madda ikenlikini jezmleshtürgenlikini éytti.

rusiyening bu xil ximiyelik madda türlirini ishlepchiqarghanliqigha dair uchurlarni  ortaqlashqan térésa méy, bu döletning dölet himayisidiki suyiqestlerni élip barghanliqini körsitidighan arqa körünüshke ige ikenlikini we engliyening muhakime qilishigha qarighanda, moskwaning rusiyedin qéchip ketken bezi hakimiyetke qarshi küchlerni yoqitish yolluq zerbe nishani, qaraydighanliqini eskertti.

bayanatqa qarighanda, yighinda engliye, firansiye we gérmaniye weqege rusiye dölitining jawabkarliqidin bashqa eqilge uyghun izahat yoqluqi toghrisida birdeklik hasil qilghan؛ rehberler, rusiyening qilmishigha jawab süpitide yawropaning ortaq we küchlük inkas qayturushining muhimliqi toghrisida kélishken we aldimizdiki künlerdimu yéqin alaqini dawamlashturushni qarar qilghan.

bayanatta körsitilishiche, yighinda iran mesilisimu küntertipke kelgen bolup, iran bilen hasil qilinghan yadro kélishimide ching turidighanliqlirini bildürgen üch rehber, aprél éyida bu heqte qayta söhbetlishish toghrisida kélishken.

jasus sérgéy skripal bilen qizi yulia, 4 – martta engliyening salibury shehiridiki bir orunduqta hoshsiz halette tépilghanidi. dawalash xizmetliri dawamlishiwatqan ata bilen qizning salametlik ehwalining hazirmu xewplik halitini dawamlashturuwatqanliqi eskertilmekte.

engliye, sikripal we qizining zeherlinishining jawabkari, dep qarighan rusiyege imbargo yürgüzüshni qararp qilip, deslepki qedemde 23 rus diplomatni chégradin qoghlap chiqarghan, rusiyemu buninggha egishipla 23 engliye diplomatini chégradin qoghlap chiqiridighanliqini jakarlighanidi.

engliyening imbargo qararining rusiye tashqi ishlar ministiri sérgéy lawrowning engliyede ziyarette bolushi üchün ewetilgen teklipnamining qayturuwélinishi, rusiyede ötküzülidighan dunya longqisini talishish putbol musabiqisige engliye dölet erbabliri bilen xan jametidin héchkimning qatnashmaydighanliqini öz ichige alidighanliqini uqturghan idi.

engliye sikripal we qizining zeherlinishide rusiyede ishlengenliki ilgiri sürülüwatqan, herbiy ishlarda ishlitilidighan nérwa sistémisigha tesir körsitidighan ximiyelik maddining ishlitilgenlikining jezmleshkenlikini uqturghan, shundaqla bu maddining sabiq sowét ittipaqi teripidin 1970 – we 1980 – yillarda ishlepchiqirilghan «nowichok» namliq ximiyetlik maddilar guruppisigha mensup ikenlikini eskertken idi.