tramp putinni tebriklishini aqlashqa tirishti
amérika qoshma ishtatliri pirézidénti donald tramp, rusiye pirézidénti wiladimir putingha téléfon élip saylamda ghelibe qilghanliqini tebriklishini «bir qatar mesililerning hel qilinishigha yardemchi bolushi mumkin» dégen sözliri bilen aqlidi.
türkiye awazi radiyosi xewiri: rusiyede ötküzülgen yekshenbe künidiki pirézidéntliq saylimida ghelibe qilip qaytidin pirézidéntliqqa saylanghan putinni tebriklishi amérika jamaetchiliki arisida naraziliq peyda qilghan pirézidént donald tramp, eyibleshlerge tiwittér adrési arqiliq jawab qayturdi؛ u bu heqtiki uchurida, özidin ilgiriki pirézidént barak obamaningmu putingha téléfon élip tebrikligenlikige isharet qilghan halda, «yalghan xewer taratqularni telwileshtürdi, chünki mendin uning (putinning) térisini üzüwélishimni kütüshüwatatti. (ular) xatalishiwatidu. rusiye we bashqilar bilen yaxshi ötüsh nachar emes, yaxshi ishtur. ular (rusiye), shimaliy koréye, süriye, ukraina, daésh, iran hetta yéqinlishiwatqan qorallinish riqabiti mesililirini hel qilishqa yardemchi bolushi mumkin» dégenlerni qeyt qildi.
donald tramp burunqi pirézidéntlardin jorj bushningmu rusiye bilen yaxshi ötüshke tirishqanliqini, biraq eqilliq meslihetchilirining bolmighanliqini, obama we öz dewrining tashqi ishlar ministiri hilari klintonningmu shundaq qilishqa urunghanliqini, emma (ularning) yéterlik qabiliyetke ige emesliklirini ilgiri sürdi.
tramp, uchurining axirigha «küch ishlitish yoli bilen tinchliq (ornitish)» dégen sözni qoshup qoydi.
مۇناسىۋەتلىك خەۋەرلەر
