amérikidiki bir shirketke éghir derijide tölem jazasi bérildi
amérikidiki meenchilik we ximiye sanaiti shirkiti - 3Mge muhitqa élip kelgen ziyanliri tüpeyli tölem jazasi bérildi.
türkiye awazi radiyosi xewiri: amérikining minnésota ishtatida meenchilik we ximiye sanaiti shirkiti - 3M , ximiyewi mehsulatlar ishlepchiqiridighan zawutining muhitqa élip kelgen ziyanliri sewebidin 850 milyon dollar tölem töleshni qobul qildi.
ishtat bash teptishi lori siwanson kona nami minnésota medenchilik we ishlepchiqirish shirkiti bolghan xelqara shirketning ishtattiki zawutlirining ximiyewi qalduqlar bilen muhit we tebiiy bayliqlargha élip kelgen ziyanliri tüpeyli tölem töleshni qobul qilghanliqini bildürdi.
siwanson shirketning 15 kün ichide tölemni alaqidar orunlargha töleydighanliqini, tölem miqdarining amérika tarixida hazirghiche muhit saheside tölengen eng yuqiri tölem ikenlikini éytti.
850 milyon dollarliq tölem meenchilik we ximiye sanaiti shirkiti - 3M jaylashqan saint pawul shehiri we etrapidiki turalghu jaylargha pakiz su yetküzüsh, ximiyewi qalduqlar sewebidin sughurush qanalliri ziyangha uchrighan déhqan we karxanchilargha yardem qilish üchün ishlitilidiken.
