bélgiye aliy soti térrorluq teshkilati p k k unsurliri toghruluq muhim qarar chiqardi
bélgiye aliy soti térrorluq teshkilati p k k unsurlirining térrorluq paaliyetliri sewebidin sotlinalmaydighanliqigha alaqidar qararni bikar qildi.
türkiye awazi radiyosi xewiri: bélgiye naraziliq erzi soti bultur 14 – séntebir küni bélgiye tekshürüsh idarisining «p k k ning térrorluq teshkilati emesliki» toghruluq chiqarghan qarargha qilinghan étirazini ret qilghan idi.
noyabirning bashlirida bélgiye fédéral teptish mehkimisi aliy sot mehkimisige étiraz bildürüp «qoralliq küresh we térrorluq teshkilati» gha alaqidar qanun – belgilimilerning p k k unsurliri üchün küchke ige emeslikini, chünki p k k unsurlirining paaliyetlirining térrorluq paaliyetliri hésablinidighanliqini bildürgen idi.
aliy sot mehkimisining bu qarari arqiliq töwen derijilik sot mehkimisining qarari bikar qilinghan boldi. shuning bilen, bölgünchi térrorluq teshkilati p k k ning yawropadiki yuqiri derijilik kattibashliridin remzi qartal we zubeyr aydarnimu öz ichige alghan 36 shexsning térrorizmgha qarshi küresh qanunliri dairiside sotlinishi üchün zémin hazirlanghan boldi.
2015 – yili öktebirde bu heqte aliy sot mehkimisige sunulghan erznamide, p k k ezaliri bélgiye we bashqa gherbiy yawropa elliridin yashlar we balilarni aililiri bilen alaqisini üzüp tashlighandin kéyin, bélgiyedin bashqa yene, girétsiye we iraqtiki lagérlirida terbiyelesh bilen eyiblengen idi. jawabkarlargha artilghan jinayetler arisida yalghan höjjet yasash we pul yighish qilish qatarliqlarmu bar idi.
