süriye söhbetliri yighini bügün wiyénnada bashlinidu
awstriyening paytexti wiyénna ikki künlük süriye yighinigha sahibxanliq qilidu؛ süriyelik öktichiler qurup chiqqan aliy muzakire komitéti bashliqi nasir heriri, uchrishishning her ikki terepke nisbeten bir sinaq ikenlikini éytti.
türkiye awazi radiyosi xewiri: u sözini dawamlashturup, wiyénnada bérishtin ilgiri b d t xewpsizlik kéngishi bash katipi we jumhur reis rejep tayyip erdoghan qatarliq bezi rehberler bilen muhim uchrishishlarni ötküzgenlikini bildürdi.
heriri, uchrishishning ikkinchi teripi bolghan beshshar esed hakimiyitining söhbetlerge buzghunchiliq qilip, bu musapining ilgirilishige tosqunluq qilghanliqini tekrarlidi.
rusiyening sochi shehiride ötküzülidighan süriye milliy diyalog qurultiyigha ishtirak qilip – qilmaydighanliqigha téxi qarar qilmighanliqini bildürgen heriri, mushu ikki kün ichide bu mesilini muhakime qilip qarar chiqiridighanliqlirini eskertti.
nasir heriri türkiyening afringha qilghan zeytun shéxi herbiy herikitige alaqidar bir soalgha jawab bérip, p k k / p y d térrorluq teshkilatining rayonda jinayet sadir qilghanliqini we bashqa bezi térrorluq teshkilatliri bilen birliship heriket qiliwatqanliqini eskertti.
