رۇسىيە ئامېرىكىنىڭ ئەيىبلەشلىرىنى رەت قىلدى

تۈركىيە ئاۋازى رادىيوسى خەۋىرى: رۇسىيە تاشقى ئىشلار مىنىستىرلىقى بايانات بېرىپ، ئامېرىكا قوشما ئىشتاتلىرىنىڭ دەۋالىرىنىڭ سوچىدا چاقىرىلىشى پىلانلىنىۋاتقان سۈرىيە تىنچلىق سۆھبەتلىرىنى ئاجىزلىتىش مەقسەتلىك تەشۋىقات ماھىيىتىگە ئىگە ئىكەنلىكىنى ئەسكەرتتى.

ئامېرىكا تاشقى ئىشلار مىنىستىرى رېكس تىللېرسون فىرانسىيەنىڭ پايتەختى پارىژدا بايانات بېرىپ، رۇسىيەنى شەرقىي غۇتەدىكى پۇقرالارغا خىمىيەلىك قورال ئىشلىتىشنىڭ جاۋابكارى، دەپ كۆرسەتكەنىدى.