ئەسەد كۈچلىرى شەرقىي غۇتەنى يەنە بىر قېتىم بومباردىمان قىلدى

تۈركىيە ئاۋازى رادىيوسى خەۋىرى: خەلقئارا كەچۈرۈم تەشكىلاتى بايانات بېرىپ، ئەسەد ھاكىمىيىتىنىڭ شەرقىي غۇتەگە سوۋېتىنىڭ ئىشلىتىلىشى چەكلەنگەن چاچما بومبىلىرىنى ئىشلىتىپ ھۇجۇم قىلغانلىقىنى ئۇقتۇردى.

چاچما بومبا ئىشلىتىلگەنلىكىگە دائىر ئۇچۇرلارنىڭ پائالىيەتچىلەر بىلەن بىۋاسىتە ئۇچرىشىش، سىن كۆرۈنۈشلىرى ۋە فوتو – سۈرەتلەرنى تەكشۈرۈش ئارقىلىق جەزملەشتۈرۈلگەنلىكى ئەسكەرتىلگەن باياناتتا، نىشان ئايرىپ ئولتۇرماستىن ئىشلىتىلگەن بۇ قوراللارنىڭ پۇقرالارنىڭ ھاياتىنى ئېغىر خەۋپكە ئىتتىرگەنلىكى تەكىتلەندى.

بەش يىلدىن بۇيان قورشاۋ ئاستىدا تۇرۇۋاتقان سۈرىيەنىڭ شەرقىي غۇتە رايونى، ئاستانىدىكى سۈرىيە سۆھبەتلىرى دائىرىسىدە جىددىيچىلىكنى ئازايتىش رايونى، دەپ ئېلان قىلىنغان ۋە 22 – ئىيۇلدىن باشلاپ ئۇرۇش توختىتىشنىڭ ئىجرا قىلىنىشقا باشلىغانلىقى بىلدۈرۈلگەنىدى.