ebu bekir baghdadining taksi bilen süriyege seper qilghanliqi bayqaldi
térrorluq teshkilati daéshning atalmish rehbiri ebubekir baghdadining 3 – noyabirda taksi bilen süriyege ötüp, déyruz zur shehirige ketkenliki ilgiri sürülmekte.
841918
türkiye awazi radiyosi xewiri: iraq metbuatliri térrorluq teshkilati daéshning atalmish rehbiri ebubekir baghdadining bir taksi bilen iraqtin süriyege ötkenlikini ilgiri sürdi.
iraq médya agéntliqi iraq istixbaratini menbe körsetken xewiride, daéshning atalmish rehbirining 3 – noyabirda bir sériq taksi bilen iraqning firat deryasi boyigha jaylashqan rawa yézisidin süriyege ketkenlikini yazdi.
bayqilip qalmasliq üchün sériq taksi bilen yolgha chiqqanliqi qeyt qilinghan mezkur xewerde yene, daéshning atalmish rehbiri baghdadining süriyege ötkendin kéyin, déyruz zur shehiri terepke ketkenliki ilgiri sürüldi.
