hamasning bir yuqiri derijilik emeldari téhranda ziyarette boldi
islamiy qarshiliq körsitish herikiti – hamasning siyasiy ishlar biyurosining muawin bashliqi salih elaruri, iran bilen bolghan munasiwetlerni üzüp qoyushni xalimaydighanliqlirini bildürdi.
türkiye awazi radiyosi xewiri: hamas, siyasiy ishlar biyurosining muawin bashliqi salih elarurining téhran ziyariti toghrisida yazma bayanat élan qilip, bu ziyaretning israiliyening pelestin milliy yarishish kélishimini étirap qilish üchün, iran bilen bolghan munasiwetlerni üzüsh toghrisidiki shertining emeliy rewishte ret qilinghanliqini bildüridighanliqini eskertti.
aruri, israiliye ishghaligha qarshi pelestin xelqini qollap – quwwetlewatqan pütkül döletler bilen munasiwetlerni kücheytish terepdari ikenlikini bildürdi.
hamas bilen fetih heyetliri 12 – öktebirde qahirede söhbet ötküzüp, pelestindiki özara bölünüshke xatime béridighan bir yarishish kélishimi imzalighanidi.
israiliye bash ministiri bunyamin nétanyahu bolsa, pelestin yarishish kélishimining étirap qilinishi üchün, israiliyening étirap qilinishi, hamasning qoralsizlandurulushi we iran bilen bolghan munasiwetlerning toxtitilishi qatarliq shertlerni qoyghanidi.
