wénézuéla pirézidénti trampqa rehmet éytti

wénézuéla pirézidénti nikolas maduro amérika pirézidénti trampgha rehmet éytti.

wénézuéla pirézidénti trampqa rehmet éytti

türkiye awazi radiyosi xewiri: maduro döletlik téléwiziye qanalirida neq meydandin tarqitilidighan heptilik «xelqqe xitab qilish» pirogrammisida, özini hemishe tenqid qilidighan trampqa rehmet éytip mundaq dédi: «u bu arqiliq méni dunyada meshhur shexske aylandurdi. u qachanla men toghruluq söz achsa, dunya xelqi méni téximu köp yaxshi köridighan bolup kétidu. uning méni hemishe tenqid qilghinidin qarighanda, men toghra yolda ikenmen. amérika impériyesi  rehbirining her küni men toghruluq söz échishidin pexirlinimen. u daim dégüdek méni we sotsiyalist partiyeni tenqid qilidu. u goya wénézuéladiki öktichilerning rehbirige aylinip qaldi.»

tramp maduro hökümitining diktator ikenlikini we wénézuéladiki démokratiyeni basturghanliqini ilgiri sürgenidi.

maduro bolsa uninggha jawab bérip, washingtonning wénézuélaning ichki ishlirigha arilishish arqiliq wénézuélada hökümet almashturush niyitining barliqini dewa qilghanidi.



مۇناسىۋەتلىك خەۋەرلەر