ياخو پۈتكۈل ئابۇنېتلىرىنىڭ ئۇچۇرلىرىنى «ئوغرى» غا بەرگەنلىكىنى ئېتىراپ قىلدى
ئىنتېرنېت شىركىتى ياخو، ئۈچ مىليارد ئەتراپىدىكى پۈتكۈل ئابۇنېتلىرىغا ئائىت ئۇچۇرلارنىڭ تور ھۇجۇمچىلىرىنىڭ قولىغا چۈشۈپ كەتكەنلىكىنى ئۇقتۇردى.
تۈركىيە ئاۋازى رادىيوسى خەۋىرى: ئامېرىكا قوشما ئىشتاتلىرىنىڭ ۋېرىزون شىركىتىگە سېتىلغاندىن كېيىن، بۇ شىركەتنىڭ قارمىقىدىكى ئوئات (Oath) ناملىق ئىككىنچى بىر شىركەتنىڭ بىر پارچىسىغا ئايلانغان ياخو، 2013 – يىلىدىكى تور ھۇجۇمىدا 3 مىليارد ئادرېسىنىڭ ھەممىسىنىڭ دەخلىگە ئۇچرىغانلىقىنى ئۇقتۇردى.
ئوئاتنىڭ ئىنتېرنېت سەھىپىسى ئارقىلىق ئېلان قىلىنغان باياناتتا، 2016 – يىلى دېكابىردا ياخونىڭ 1 مىلياردقا يېقىن ئابۇنېت ئادرېسىنىڭ ئۇچۇر ئوغرىلاش ھۇجۇمىغا ئۇچرىغانلىقىنىڭ بايقالغانلىقى خاتىرىلىتىلگەن ھالدا، يېڭى تەكشۈرۈشلەر نەتىجىسىدە بۇ ھۇجۇمنىڭ پۈتكۈل ئابۇنېتلارغا زىيان يەتكۈزگەنلىكىنىڭ ئوتتۇرىغا چىققانلىقىغا دائىر ئۇچۇرلارغا ئورۇن بېرىلدى.
باياناتتا، 2013 – يىلى ئاۋغۇستتىكى ۋەقەدە تور ھۇجۇمچىلىرى ياخونىڭ 3 مىليارد ئابۇنېتىنىڭ ھەممىسىنىڭ ئادرېس ئۇچۇرلىرىنى قولغا چۈشۈرۈۋالغان بولسىمۇ، تور ھۇجۇمچىلىرىنىڭ ئابۇنېتلارنىڭ بانكا ھېسابات ئۇچۇرلىرى ۋە بانكا كارتلىرىغا ئالاقىدار مەلۇماتلارنى قولغا چۈشۈرەلمىگەنلىكى تەكىتلەندى.
ئامېرىكىنىڭ ۋېرىزون شىركىتى ئىيۇن ئېيىدا ياخونى 4 يېرىم مىليارد دوللارغا يېقىن پۇلغا سېتىۋالغانىدى.
مۇناسىۋەتلىك خەۋەرلەر
ئامېرىكا ئۇكرائىناغا 2 مىليارد دوللار ياردەم بېرىدۇ
ئامېرىكا قوشما ئىشتاتلىرى ئۇكرائىناغا 2 مىليارد دوللار ياردەم بېرىدۇ.
ئافغانىستاندا ھەربىي تىك ئۇچار چۈشۈپ كەتتى
ئافغانىستاننىڭ غور ۋىلايىتىدە بىر ھەربىي تىك ئۇچار ئايروپىلان دەريا قىرغىقىغا چۈشۈپ كەتتى.