amérikida bir jamede partlash yüz berdi

türkiye awazi radiyosi xewiri: amérikining minnésota shehiridiki bir jamede bamdat namizidin ilgiri partlash yüz berdi؛ weqede adem ölüsh ehwali körülmidi.

shu jaydiki saqchi tarmaqliri bayanat bérip, blumington rayonidiki darulfaruq islam merkizide seher saet 5 etrapida partlash yüz bergenlikini, weqening tekshürülüwatqanliqini uqturdi.

minnésota amérika musulmanliri jemiyitining ijraiye ishliri diréktori esed zaman muxbirlarni kütüwélish yighini ötküzüp, jame jamaitidin bir kishining sözlirini neqil qilip, partlashning bamdat namizigha azla qalghanda, kichik tipliq bir yük mashinisigha olturghan birining imamning ishxanisining dérizisidin ichige bir nersini étiwétip nahayiti tézla kétip qélishidin kéyin yüz bergenlikini bildürdi.

partlash yüz bergende jamede 20 ge yéqin ademning barliqini, biraq weqede adem ölüsh ehwalining körülmigenlikini, imamning ishxanisining dérize eyneklirining sundurulghanliqini bildürdi we weqening aydinglitilishigha yardemchi bolghuchilargha 10 ming dollar maddiy mukapat bérilidighanliqini sözlirige ilawe qildi.