gérmaniye amérikining émbargo qararigha naraziliq bildürdi

türkiye awazi radiyosi xewiri: gérmaniye amérikining bir qisim döletlerge émbargo qoyushni qarar qilishigha naraziliq bildürdi.

gérmaniye iqtisad we énérgiye ishliri ministiri birigitté ziyaprés amérikining rusiye, iran we shimaliy koréyege yéngi émbargolarni qoyushni mezmun qilghan qarar layihesining xelqara qanungha xilap ikenlikini éytti.

birigitté ziyaprés funké médiya guruhi gézitining ziyaritini qobul qilip mundaq dédi: «bu ehwal xelqara qanungha tamamen xilap, amérikiliqlar gérmaniye shirketlirini bashqa döletler bilen soda qilishliri seweblik jazaliyalmaydu.»

ministir yawropa komitétining tégishlik tedbirlerni élishi lazimliqini éytip yene mundaq dédi: «soda urushi qetiy xalimaymiz, yawropa komitéti buninggha qarshi derhal tedbir élishi lazim.»

buningdin tashqiri, gérmaniye tashqi ishlar ministiri sigmar gabraélmu amérika émbargolirining yawropa shirketlirige qarshi yürgüzülmesliki lazimliqini eskertip mundaq dégenidi: «émbargo siyasetliri bir döletning iksport menpeetliri bilen yerlik énérgiye sahesini tereqqiy qildurushqa qetiy mas kelmeydu.»