ئافغانىستاندا زوراۋانلىق ۋەقەلىرى تۈپەيلى بۇ يىل 1662 پۇقرا ئۆلگەن

تۈركىيە ئاۋازى رادىيوسى خەۋىرى: ئافغانىستاندا بۇ يىل ئىچىدە مەيدانغا كەلگەن زوراۋانلىق ۋەقەلىرىدە 1662 پۇقرا ئۆلدى.

بىرلەشكەن دۆلەتلەر تەشكىلاتىغا قاراشلىق  ئافغانىستان ياردەم ئورگىنى تەرىپىدىن ئېلان قىلىنغان باياناتتا، بۇ يىل 1-يانۋاردىن 30-ئىيۇنغىچە ئافغانىستاندا مەيدانغا كەلگەن زوراۋانلىق ۋەقەلىرى تۈپەيلى ھاياتىدىن ئايرىلغان پۇقرانىڭ سانىنىڭ بۇلتۇرقىنىڭ ئوخشاش مەزگىلىگە سېلىشتۇرغاندا %2 ئاشقانلىقى بىلدۈرۈلدى.

بۇ ئۆلۈملەرنىڭ %67گە ھۆكۈمەتكە قارشى كۈچلەر سادىر قىلغان زوراۋانلىق ۋەقەلىرىنىڭ سەۋەب بولغانلىقى بىلدۈرۈلگەن باياناتتا، بۇ كىشىلەرنىڭ %43نىڭمۇ تالىباننىڭ ھۇجۇملىرىدا ئۆلگەنلىكى قەيت قىلىندى.

باياناتتا بۇ مەزگىلدە ئادەم بومبا ۋە بومبىلىق ھۇجۇملاردا 596 كىشىنىڭ ئۆلگەنلىكى ،  زورۋانلىق ۋەقەلىرىدە ئۆلگەن ۋە يارىلانغان پۇقرالارنىڭ %19نىڭ پايتەخت كابۇلنىڭ ئاھالىلىرى ئىكەنلىكى، كابۇلدىن قالسا ئەڭ كۆپ كىشىنىڭ  نانگارھار ۋە ھېلماند ئۆلكىلىرىدە ئۆلگەنلىكى ئەسكەرتىلدى.

باياناتتا يەنە زورۋانلىق ۋەقەلىرىدە ئۆلگەن كىشىلەر ئىچىدە 174نىڭ ئايال ئىكەنلىكىمۇ بىلدۈرۈلدى.