tillérson türkiyeni ziyaret qilidu
amérika tashqi ishlar ministiri réks tillérsonning 9-10-iyul künliri istanbulda türkiyening yuqiri derijilik rehberliri bilen körüshidighanliqi bildürüldi.
türkiye awazi radiyosi xewiri: amérika tashqi ishlar ministirliqi élan qilghan bu heqtiki yazma bayanatta, tillérsonning 9-10-iyul künliri arisida istanbulgha kélip, türkiyening yuqiri derijilik rehberliri bilen körüshidighanliqi bildürüldi.
bayanatta, amérika tashqi ishlar ministiri tillérsonning gérmaniyede ötküzülidighanG-20 yighinida pirézidént donald trampqa hemrah bolidighanliqi, 9-iyul ukraina paytexti kiyéwde pirézidént pétro poroshénko bilen körüshidighanliqi, arqidin 9-10-iyul künliri arisida istanbulda türkiyening yuqiri derijilik rehberliri bilen körüshüp, ikki terep munasiwetliri we rayonluq mesililerni muzakire qilidighanliqi eskertildi.
amérika tashqi ishlar ministiri tillérson 2017-yili 30-mart enqereni ziyaret qilghan idi. bu qétimliq ziyaritide bolsa, térrorluq teshkilati p y d, p k k ning süriyediki paaliyetliri, fethullahchi térrorluq teshkilatining kattibéshi fethullah gülenning qayturulushigha munasiwetlik tertip-basquchlar, qatar bilen bezi ereb döletliri otturisida partlighan kirizisni hel qilish yolidiki yéngi özgirishler qatarliq mesililerning muzakire qilinidighanliqi kütülmekte.
