ispaniye parlaménti katalonya référandumini ret qildi
ispaniye parlaménti 1-öktebirde katalonyada öz aldigha chiqirilghan qarar bilen ötküzülidighan musteqilliq référandumining qanunsiz ikenlikini élan qildi.
türkiye awazi radiyosi xewiri: katalonyadiki musteqilliq heriketlirige rehberlik qiliwatqan «katalan yawropaliqlar démokrat partiyesi» teripidin ispaniye parlaméntigha sunulghan we 1-öktebirdiki musteqilliq référamdumini testiqlash telipi, %71.43 awaz bilen ret qilindi. parlaménttiki awazgha qoyushta, hakimiyet béshidiki xelq partiyesi (PP), öktichi ishchi partiyesi (PSOE) we nawarro xelq partiyesi qatarliqlar ret awazi berdi. radikal solchi «Unidos Podemos» partiyesi bilen katalan we bask rayonidiki kichik siyasiy partiyeler qollap awaz berdi.
ispaniye bash ministiri mariyano rajoy élan qilghan bayanatida, katalonyadiki musteqilliqni qollap ötküzülidighan référandumning qanunsiz ikenliki we 1-öktebirde référandumning ötküzülmeydighanliqini bildürgen idi.
katalonya aptonom hökümitining bolsa, hazirqi ehwalda héchqandaq qanuniy asasi bolmisimu, 1-öktebirde katalanlarni référandumgha chaqirip: «katalonyaning jumhuriyet tüzümidiki musteqil dölet bolushini xalamsiz?» dégenni xelqning qararigha sunidighanliqi ilgiri sürülmekte.
