donald tramp bilen shinzu abi téléfonda körüshti

türkiye awazi radiyosi xewiri: pirézidént donald tramp bilen bash wezir shinzu abi téléfondk körüshti. körüshüshte, pirézidént donald trampning «amérikaning shimaliy koréye peyda qilghan xewpsizliq tehditige qarshi ittipaqdashliri bolghan yaponiye bilen jenubiy koréyeni qollaydighanliqi» toghrisida shinzu abigha ishench bergen.

yaponiye bash wezir mehkimisidin élan qilinghan bayanatqa asaslanghanda, ikki rehber körüshüshte, «shimaliy koréyening 5-apréldiki bashqurulidighan bomba siniqining nahayiti xeterlik we küshkürtchilik xaraktérige ige ikenliki, yaponiyening bixeterlikige tehdit peyda qilghanliqi mesiliside oxshash pikirge ige ikenliki» ni bildürgen.

bayanatta: «yaponiye shimaliy koréyege qayturulidighan jawab toghrisida amérika we bashqa xelqaraliq aktiyorlar bilen masliship tirishchanliq körsitishni dawamlashturidu» déyildi.

pirézidént donald trampning floridada xitay dölet reisi shi jinping bilen körüshüshtin burun, shinzu abi bilen birlikte shimaliy koréyeni b d t qararigha xilap halda dawamlashturghan yadro we bashqurulidighan bomba siniqidin waz kechtürüsh üchün, xitayning oynaydighan rolining muhimliqi toghrisidimu oxshash pikirge ige ikenliki qeyt qilindi.

donald tramp bilen shinzu abi shimaliy koréye bashqurulidighan bomba sinaq qilghandin kéyin, xitayning shimaliy koréyedin kömür import qilishni toxtatqanliqini yéterlik emes, dep qaridi.

yaponiye bash wezirlik mehkimisining bayanatida, amérikining shimaliy koréyege qarshi her türlük chare-tedbirlerning üstelde teyyar ikenliki toghrisidiki meydanini, shinzu abining qollishining küchlük ikenliki eskertildi. biraq, amérika tashqi ishlar ministiri réks tillérson ötken ay tilgha alghan «herbiy chare» toghrisida héchqandaq köz qarash ipade qilinmidi.