engliye parlaménti london – enqere munasiwetliri heqqide doklat élan qildi

türkiye awazi radiyosi xewiri: türkiye – engliye otturisida istiratégiyelik hemkarliq ornitilishining zörürlüki tekitlengen 79 betlik doklatta, soda, dölet mudapiesi sanaiti we bixeterlik saheliridiki ikki terep munasiwetlirining ehmiyiti otturigha qoyuldi, türkiyening nahayti zor ehmiyetke ige rayonluq küch ikenliki, chiqiridighan qararlirining rayonning teqdirini belgileydighanliqi qeyt qilindi.

türkiyening térrorluq teshkilati daéshqa qarshi küresh we musapirlar mesiliside otnawatqan rolining nahayti zorluqi tekitlengen doklatta, rayonda muqimliqni ishqa ashurushtimu halqiliq dölet ikenliki eskertildi.

fethullahchi térrorluq teshkilati unsurlirining 15 – iyul herbiy isyan urunushighimu orun bérilgen doklatta, bu weqening döletning démokratiyesini nishan qilghanliqi, engliyening bu heqte türkiyeni qollishining toghra ikenliki qeyt qilindi.

türkiye – engliye munasiwetlirige orun bérilgen, engliye hökümiti türkiye bilen bolghan munasiwetlirini kücheytishke chaqiriq qilinghan doklat üchün bultur iyul éyida xizmet ishlinishke bashlighanidi.

engliye hökümitige nisbeten tewsiye hésablinidighan doklat teyyarlinishtin burun komitét ezaliri türkiyede ziyaret we uchrishishlarda bolghanidi.

bu dairide jumhur reis erdoghan, bash ministir yildirim we tashqi ishlar ministiri mewlüt chawushoghlu yanwar éyida komitét bashliqi krispin blant we uning hemrahliqidiki heyetni qobul qilinghanidi.

igilinishiche, doklat, komitétning türkiye ziyaritidin sirt yene, londonda melum shexsler bilen söhbet élip bérilghandin kéyin teyyarlanghan.