ئىران ترامپنىڭ قارارنامىسىگە ئوخشاش ئۇسۇلدا ئىنكاس قايتۇردى

تۈركىيە ئاۋازى رادىيوسى خەۋىرى: ئىران تاشقى ئىشلار مىنىستىرلىقى بايانات بېرىپ، ئامېرىكا پۇقرالىرىنىڭ ئىرانغا كىرىشىنى مەنئىي قىلىدىغانلىقىنى ئۇقتۇردى؛ مىنىستىرلىقنىڭ باياناتىدا، «ئىران، پۇقرالىرىنىڭ ھەق – ھوقۇقىنى قوغداش ئۈچۈن، ئامېرىكا قوشما ئىشتاتلىرى ئىران پۇقرالىرىغا قاراتقان ھاقارەت قىلىش ماھىيىتىدىكى چەكلىمىلەرنى بىكار قىلغۇچە <ئوخشاش ئۇسۇلدا مۇئامىلە قىلىش> پىرىنسىپىغا ئاساسەن ھەرىكەت قىلىدۇ» دېيىلدى.

ترامپنىڭ قارارىنىڭ ئىران خەلقىگە قىلىنغان ھاقارەت ئىكەنلىكى ئالاھىدە تەكىتلەنگەن باياناتتا، قارارنىڭ ئاشقۇنلۇق تەرەپدارلىرى ۋە ئۇلارنىڭ يانتاياقلىرىغا قىلىنغان كاتتا <ھەدىيە> سۈپىتىدە تارىخ سەھىپىلىرىدىكى ئورنىنى ئالىدىغانلىقى تەكىتلەندى.

ئامېرىكا پىرېزىدېنتى ترامپنىڭ دەتالاشلىق قارارى ئىران، ئىراق، سۈرىيە ، يەمەن، لىۋىيە، سومالى ۋە سۇداننى ئۆز ئىچىگە ئالىدىغان بولۇپ، مەزكۇر دۆلەتلەرنى پۇقرالىرىغا 90 كۈن بويىچە ۋىزا بەرمەسلىكنى مەزمۇن قىلاتتى.