چېچىنىيەدە توقۇنۇش يۈز بەردى

تۈركىيە ئاۋازى رادىيوسى خەۋىرى: رۇسىيە فېدېراتسىيەگە قاراشلىق چېچىنىيە ئاپتونوم جۇمھۇرىيىتىدە ساقچىلارغا ھۇجۇم قىلغان ھۇجۇمچىلاردىن 11 ى ئۆلۈك ھالەتتە قولغا چۈشۈرۈلدى.

رۇسىيە ئىچكى ئىشلار مىنىستىرلىقى بايانات بېرىپ، چېچىنىيە ئاپتونوم جۇمھۇرىيىتىنىڭ پايتەختى گروزنىدا ساقچىلار  تەرىپىدىن توسۇلغان بىر ئاپتوموبىلدىن ئوق چىقىرىلغاندىن كېيىن، ئىككى تەرەپ ئارىسىدا توقۇنۇش يۈز بەردى. توقۇنۇشتا 4 ھۇجۇمچى ئۆلدى، 1 ساقچى بىلەن 2 ھۇجۇمچى يارىلاندى.

نەق مەيداندىن قېچىشقا ئۇرۇنغان 7 ھۇجۇمچىمۇ قوغلاپ زەربە بېرىش جەريانىدا ئېتىۋېتىلدى.

رۇسىيە ئىچكى ئىشلار مىنىستىرلىقى، بۇ قېتىمقى توقۇنۇشتا ساقچى تەرەپتىن قانچە كىشىنىڭ ئۆلگەنلىكى ھەققىدە ھېچقانداق مەلۇمات بەرمىدى.