خىتاينىڭ رۇس ئۇرۇش ئايروپىلانلىرىنى دوراپ ياساۋاتقانلىقى ئاشكارە بولۇپ قالدى

تۈركىيەدىكى «يېڭى شاپاك»گېزىتى ، خىتاينىڭ رۇسىيەدىن «تەقلىد قىلىپ ياساش»مەقسىتىدە ئۇرۇش ئايروپىلانى سېتىۋالغانلىقىنىڭ ئىلگىرى سۈرۈلگەنلىكىنى خەۋەر قىلدى.

National Interest خىتاينىڭ ناھايىتى ئاكتىپ ھالدا ئۆزىنىڭ J-20  تىپلىق ئۇرۇش ئايروپىلانىنىڭ تەشۋىقاتىنى قىلىپ كېلىۋاتقان بولسىمۇ، ھېلىھەم ئىلغار رۇس ئۇرۇش ئايروپىلانلىرىنى سېتىۋېلىشنى توختاتمىغانلىقىنى خەۋەر قىلدى. موسكوۋا بىلەن بېيجىڭ ئوتتۇرىسىدىكى ئالاقىگە قارىغاندا، رۇسىيە يىل ئاخىرىغىچە خىتايغا 4 يۈرۈش su-35 تىپلىق ئايروپىلانى بىلەن 3 يىل ئىچىدە 2 مىليارد دوللار قىممىتىدە ئايروپىلان ئەۋەتىدىكەن. بىراق خىتايغا بۇرۇن ئەۋەتىلگەن ئايروپىلانلارنى خىتاي دائىرلىرىنىڭ تەقىد قىلىپ ياسىغانلىقى ئاشكارە بولۇپ قالغانلىقى ئۈچۈن، رۇسىيە su-35 تىپلىق تىپلىق ئۇرۇش ئايروپىلانلىرىنى قوغداش كېلىشىمى تەييارلاشقا مەجبۇر بولۇپ قالدى.

ئىلگىرىمۇ خىتاي شېنياڭ  J-11 ، J-15 ۋە J-16 تىپلىق ئۇرۇش ئايروپىلانلىرى ياساش ئۈچۈن رۇسىيەنىڭ بۇ ساھەدىكى خىزمەتلىرىدىن پايدىلىنىپ بۇ تىپتىكى ئايروپىلانلارنىڭ كونا مودېللىرىنىڭ ئوخشىشىنى ياساپ چىققانىدى. مۇتەخەسىسلەر J-20 يېڭى تىپلىق ئايروپىلاننىڭ نۇرغۇن جەھەتتە Su-35 گە ئوخشاش ئىكەنلىكىنى بىلدۈرمەكتە.

National Interest ئىككى دۆلەت ئوتتۇرىسىدا ئىمزالانغان كېلىشىمنىڭ ئەكسىچە، بېيجىڭنىڭ  رۇسىيە ئايروپىلانلىرىنىڭ تېخنىكا ۋە تېخنولوگىيەسىگە ئېھتىياجى بارلىقىنى بىلدۈردى.

بۇنىڭغا مۇناسىۋەتلىك باياناتلاردا مۇنداق دېيىلدى: «نۆۋەتتە خىتاي ئىشەنچىلىك موتور لايىھەلىرى روياپا چىقىرىشتىن تولىمۇ ئاجىز. شۇڭا بۇ ئەھۋال خىتاينىڭ يېڭى ئۇرۇش ئايروپىلانلىرىنىڭ سۈپىتىدە گۇمان پەيدا قىلىدۇ. ھېچ بولمىغاندا J-20 تىپلىق ئايروپىلان بېيجىڭ دائىرلىرى تەكىتلەپ كېلىۋاتقان ئالاھىدىلىكلەرگە ئىگە بولغان بولسا ئىدى، Su-35 تىپلىق ئايروپىلانلار ئۈچۈن توختام تۈزۈشنىڭ ھاجىتى قالمىغان بولاتتى.»