ئىراقتا ئۆي - ماكانىدىن ئايرىلىشقا مەجبۇر بولغانلارنىڭ سانى ئاشماقتا
قىزىلئاي جەمئىيىتىنىڭ كۆچمەنلەر تۇرۇۋاتقان رايونلارغا پىسخىولگىيەلىك ياردەم ۋە سەھىيە ياردەم ئەترەتلىرىنى ئەۋەتكەنلىكى بىلدۈرۈلدى.
تۈركىيە ئاۋازى رادىيوسى خەۋىرى: ئىراقنىڭ مۇسۇل ۋە سالاھىددىن ۋىلايەتلىرىدە تېررورلۇق تەشكىلاتى دائىش بىلەن ئامانلىقنى ساقلاش قىسىملىرى ئوتتۇرىسىدا داۋاملىشىۋاتقان تۇقۇنۇشلار سەۋەبىدىن ئۆي – ماكانلىرىنى تاشلاپ چىقىپ كېتىشكە مەجبۇر بولغانلارنىڭ سانى 70 مىڭدىن ئاشتى.
ئىراق قىزىل ئاي جەمئىيىتى تەرىپىدىن ئېلان قىلىنغان يازما باياناتتا، ئۆي – ماكانلىرىنى تاشلاپ چىقىپ كېتىشكە مەجبۇر بولغانلارنىڭ 30 مىڭدىن كۆپرەكىنىڭ مۇسۇلغا قاراشلىق ماھمۇر ناھىيەسىدە قۇرۇلغان دىبەگە چېدىر لاگىرىدا پاناھلانغانلىقى بىلدۈرۈلدى.
باياناتا يەنە، كۆپىنچىسى دۆلەتكە ئائىت جايلاردا ۋە ئۇرۇغ – تۇغقانلىرىنىڭ يېنىدا بولۇپ، جەمئىي 40 مىڭدىن كۆپرەك كىشىنىڭ سالاھىدىننىڭ مەركىزى تىكرىت شەھىرىدە، يەنە بەزىلىرىنىڭ بولسا، كەركۈك بىلەن ئىراق كۈرت رايونلۇق ھۆكۈمىتىگە قاراشلىق رايونلارغا ئورۇنلاشقانلىقى قەيت قىلىندى.
بۇلارغا يېمەك – ئىچمەك يارىدىمى قىلىنىۋاتقانلىقى ئەسكەرتىلگەن باياناتتا يەنە، قىزىلئاي جەمئىيىتىنىڭ كۆچمەنلەر تۇرۇۋاتقان رايونلارغا پىسخىولگىيەلىك ياردەم ۋە سەھىيە ياردەم ئەترەتلىرىنى ئەۋەتكەنلىكى بىلدۈرۈلدى.
باياناتتا ئۆي – ماكانلىرىنى تاشلاپ چىقىپ كېتىشكە مەجبۇر بولغانلارنىڭ تۇرمۇشىنى ئىنتايىن قېيىن شارائىت ئاستىدا داۋاملاشتۇرۇۋاتقانلىقى ئالاھىدە تەكىتلەندى.
مۇناسىۋەتلىك خەۋەرلەر
ئامېرىكا ئۇكرائىناغا 2 مىليارد دوللار ياردەم بېرىدۇ
ئامېرىكا قوشما ئىشتاتلىرى ئۇكرائىناغا 2 مىليارد دوللار ياردەم بېرىدۇ.
ئافغانىستاندا ھەربىي تىك ئۇچار چۈشۈپ كەتتى
ئافغانىستاننىڭ غور ۋىلايىتىدە بىر ھەربىي تىك ئۇچار ئايروپىلان دەريا قىرغىقىغا چۈشۈپ كەتتى.