توكيودىكى پىچاقلىق ھۇجۇم قىلىش ۋەقەسىدە ئۆلگەنلەرنىڭ سانى 19 غا يەتتى

تۈركىيە ئاۋازى رادىيوسى خەۋىرى: توكيوغا يېقىن يەرگە جايلاشقان ساگامىخارا شەھىرىدىكى مېيىپلار پاراۋانلىق مەركىزىگە باستۇرۇپ كىرگەن پىچاقلىق ھۇجۇمچى 19 ئادەمنىڭ جېنىغا زامىن بولدى، 26 ئادەمنى يارىلاندۇردى.

ئالاقىدار خادىملار، يارىلانغانلاردىن يىگىرمىسىنىڭ يارىلىنىش ئەھۋالىنىڭ ئېغىر ئىكەنلىكىنى بىلدۈردى.

ھۇجۇمچى ۋەقەدىن كېيىن جىنايىتىنى ئېتىراپ قىلىپ ساقچىغا تەسلىم بولدى. 26 ياشلىق ھۇجۇمچىنىڭ مېيىپلار پاراۋانلىق ئورنىنىڭ سابىق خىزمەتچىسى ئىكەنلىكى ئېلان قىلىندى.

ئالاقىدار خادىملار ۋەقە ئۈستىدە تەكشۈرۈش ئېلىپ بېرىشنى باشلىدى.