iran sünniy musulmanlarning ibadet erkinlikige tosqunluq peyda qilmaqta

türkiye awazi radiyosi xewiri: islahatchi qanat parlamént ezaliridin mehmud sadiqi, «téhrandiki bezi meschitlerge roza héyt namizi ötüshke hazirghiche ruxset qilinmidi. bu cheklimiler her daim shie we sünniylerning birlikini tekitlep kelgen rehber (diniy rehber ayetullah eli xamenéy) ning buyruqlirigha zittur» dédi.

yéqinqi mezgillerde téhrangha qarashliq islamshehr nahiyesidiki sünniy meschitlerning paaliyetlirining toxtitilghanliqinimu eskertken sadiqi, bu meschitkimu héyt namizi ötesh ijazitining bérilmigenlikini qeyt qildi. u, bu mesilini chöridigen halda 18 parlamént ezasining imzasi bilen dölettiki barliq mezheplerning öz enenlirige asasen ibadet qilish erkinlikini kapalet astigha alghan asasiy qanunning 12 – maddisigha isharet qilghan halda, ichki ishlar ministirigha xitaben parlaméntqa yazma bayanat yollighanliqlirini eskertti.

iranliq parlamént ezaliri, irandiki sünniy puqralarning asasiy qanunda körsitilgen heq – hoquqlirining cheklinishining rayondiki mezhepchilik heriketliri nezerge élinghinida, döletning milliy xewpsizlikigimu zit ikenlikini bildürdi.

igilinishiche, bayanatqa imza qoyghanlarning arisida iran inqilabining neziriyechiliridin murteza mutahhirining oghli téhran parlamént ezasi eli mutahhirimu bar iken.