ئۇكرائىنا رۇس فىلىملىرىنىڭ قويۇلۇشىنى چەكلىدى

تۈركىيە ئاۋرازى رادىيوسى خەۋىرى: ئۇكرائىنا پىرىزېدېنتى پېترو پوروشېكىنو، 2014-يىلدىن 1-يانۋاردىن كېيىن لىنتىغا ئېلىنغان رۇس فىلىملىرىنىڭ ئۇكرائىنادا قويۇلۇشىنى چەكلەشنى مەزمۇن قىلغان قانۇن لايىھەسىنى ماقۇللىدى.

ئالاقىدار مەسئۇللارنىڭ قارىشىچە، مەزكۇر قانۇن دۆلەت خەۋپسىزلىك سەۋىيەسىنى ئاشۇرۇشنى، «جەمئىيەتتىكى بۆلگۈنچى ئىدىيەلەر»نى ئازايتىش ۋە دۆلەت نوپۇزىنى مۇستەھكەملەشنى مەقسەت قىلىدىكەن.

مەزكۇر قانۇن پارلامېنتتا بۇ يىل 29-مارتتا قوبۇل قىلىنغانىدى. رۇس خەۋەر ئاگېنتلىقى تاس مەزكۇر قانۇننىڭ فىلىملەردىن سىرت، چاتما تېلېۋىزىيە تىياتىرلىرى ۋە تېلېۋىزىيە پىروگراممىلىرىنىمۇ ئۆز ئىچىگە ئالىدىغانلىقىنى ئۇقتۇردى.

ئۇكرائىنادا 400دىن ئارتۇق رۇس فىلىمى ۋە چاتما تېلېۋىزىيە تىيارىتىنىڭ 2014-يىلى ئاۋغۇست ئېيىدىن بۇيان چەكلىمە دائىرىسىدە ئىكەنلىكى بىلدۈرۈلمەكتە.