بىرازىلىيەدە يەر تەۋرىدى

تۈركىيە ئاۋازى رادىيوسى خەۋىرى: بىرازىلىيەنىڭ غەربىي قىسمىدا 6.7 بال يەر تەۋرىدى.

ئامېرىكا گېئولوگىيە تەتقىقاتلىرى مەركىزى يەر تەۋرەشنىڭ مەركىزىي نۇقتىسىنىڭ پېرۇ چېگراسىغا يېقىن رايون ئىكەنلىكىنى ئۇقتۇردى.

يەرنىڭ 604 كىلومېتىر چوڭقۇرلۇقىدا مەيدانغا كەلگەن يەر تەۋرەشتە ئادەم ئۆلۈش ئەھۋالىنىڭ كۆرۈلگەن ياكى كۆرۈلمىگەنلىكى، ماددىي زىياننىڭ بار – يوقلۇقى ھەققىدە ھېچقانداق مەلۇمات بېرىلمىدى.

يەر تەۋرەش پېرۇنىڭ پايتەختى لىمادىمۇ ھېس قىلىندى. دەسلەپتە يەر تەۋرەشنىڭ 6.4 بال ئىكەنلىكى بىلدۈرۈلگەنىدى. تۈنۈگۈن پېرۇدا 7.5 بال يەر تەۋرەش ۋەقەسى يۈز بەرگەنىدى.