ئىران سۈرىيە ھۆكۈمىتىگە ھەر جەھەتتىن ياردەم بەرمەكتە

تۈركىيە ئاۋازى رادىيوسى خەۋىرى: ھەيئەت ئۇچرىشىشتا ئىراننىڭ سۈرىيەنى قوللايدىغانلىقىنى بىلدۈردى. ئۇچرىشىشتا يەنە، ئۆكتىچىلەرگە قارشى ھەمكارلىق ئورنىتىش مەسىلىسىمۇ مۇزاكىرە قىلىندى.
ھەيئەت باشلىقى ئالائەددىن بۇرۇجەردى، ئۇچرىشىشتىن كېيىن ئېلان قىلغان باياناتىدا، دەمەشق تەلەپ قىلغان تەقدىردە، تېھراننىڭ سۈرىيەگە ئەسكەر ئەۋەتىدىغانلىقىنى جاكارلىدى.
تېھراننىڭ ھەربىي مەسلىچەتلىك جەھەتتىن ئىراق بىلەن سۈرىيەگە ياردەم بېرىۋاتقانلىقىنى ئەسكەرتكەن بۇرۇجەردى، بۇ ئىككى دۆلەتتىن بۇنىڭدىن باشقا مەسىلىلەردىمۇ تەلەپ كەلگەن تەقدىردە يەنە ياردەم بېرىدىغانلىقلىرىنى تەكىتلىدى.