ئەسەد كۈچلىرى يەنە ۋارىل بومبىسى ئىشلەتتى

تۈركىيە ئاۋازى رادىيوسى خەۋىرى: سۈرىيە ئارمىيەسى تىك ئۇچار ئايروپىلانلىرى، ھەلەبنىڭ ئۆكتىچىلەرنىڭ كونتروللۇقى ئاستىدىكى فىردەۋس مەھەللىسى بازىرىغا 3 ۋارىل بومبىسى تاشلىدى. ھۇجۇمدا 70 ئادەم ھاياتىدىن ئايرىلدى.

سۈرىيەنىڭ غەربىي شىمالىي قىسمىغا جايلاشقان ئىدلىب شەھىرىنىڭ بەليۇن بازىرى ئاھالىلەر رايونىغا قىلىنغان ۋاكۇئۇم بومبىسى ھۇجۇمىدا 15 ئادەم ئۆلدى، 20 ئادەم يارىلاندى.

سۈرىيە كىشىلىك ھوقۇق تەشكىلاتى، سۈرىيەدە ئەسەدكە قاراشلىق قىسىملارنىڭ ئۆكتىچىلەرنىڭ كونتروللۇقى ئاستىدىكى ئوخشاش بولمىغان رايونلارغا ‹ۋارىل› ۋە ‹ۋاكۇئۇم› بومبىسى بىلەن ھۇجۇم قىلىشى نەتىجىسىدە 136 پۇقرانىڭ ھاياتىدىن ئايرىلغانلىقىنى ئۇقتۇردى.