نىگېرىيەدە قانلىق توقۇنۇش يۈز بەردى

تۈركىيە ئاۋازى رادىيوسى خەۋىرى: توقۇنۇش فۇلانى قەبىلىسىگە مەنسۇپ قوراللىق پادىچىلار بىلەن ئائېگبا يېزىسى ئاھالىسى ئارىسىدا مەيدانغا كەلدى. فۇلانى قەبىلىسىنىڭ ئۆتكەن ھەپتە بىر پادىچىسىنىڭ ئائېگبا يېزىسىدىكى دېھقانلار تەرىپىدىن ئۆلتۈرۈلۈشىگە قارشى ئېلىپ بارغان ھۇجۇمى قىسقا ۋاقىت ئىچىدە توقۇنۇشقا ئايلىنىپ كەتتى.

تارابە ئۆلكىسىدە رايوندىكى يەرلىك ئاھالە بىلەن ئۇ يەردە چارۋىچىلىق بىلەن شۇغۇللىنىدىغان فۇلانى قەبىلىسى ئارىسىدا يەر – زېمىننىڭ ۋەيران قىلىنىشى ۋە مال – چارۋىلارنى ئېلىپ قېچىش دېگەندەك مەسىلىلەر سەۋەبىدىن پات – پات سۈركىلىشى يۈز بېرىپ تۇرىدۇ.