پۇتىن شىمالىي كورېيە ئالاھىدە ئەلچىسى بىلەن كۆرۈشتى
رۇسىيە پىرېزىدېنتى ۋىلادىمىر پۇتىن شىمالىي كورېيە پىرېزىدېنتىنىڭ رۇسىيەگە ئەۋەتكەن ئالاھىدە ئەلچىسى بىلەن كۆرۈشتى.
تۈركىيە ئاۋازى رادىيوسى خەۋىرى: رۇسىيە پىرېزىدېنتى ۋىلادىمىر پۇتىن شىمالىي كورېيە رەھبىرى كىم جوڭ تەرىپىدىن ئىككى دۆلەت مۇناسىۋەتلىرىنى راۋاجلاندۇرۇش مەقسىتىدە رۇسىيەگە ئەۋەتىلگەن ئالاھىدە ئەلچى بىلەن كۆرۈشتى.
كرېملىن سارىيى مەتبۇئات ئىشلىرى باياناتچىسى دمىترىي پېسكوۋ رۇسىيە مەتبۇئاتىغا بايانات بېرىپ، 7 كۈنلۈك خىزمەت زىيارىتى دائىرىسىدە رۇسىيەدە زىيارەتتە بولۇۋاتقان شىمالىي كورېيە ئىشچىلار پارتىيەسىنىڭ سېكرېتارى چوئې يوڭنىڭ پۇتىنغا شىمالىي كورېيە رەھبىرى كىم جوڭنىڭ تېلېگراممىسىنى يەتكۈزگەنلىكىنى ئېيتتى.
ئۇچرىشىشتا، كورېيە يېرىم ئارىلىدىكى يادرو مەسىلىسى، رۇسىيە – شىمالىي كورېيە مۇناسىۋەتلىرى ۋە يېڭى مەسىلىلەرنىڭ مۇھاكىمە قىلىنغانلىقى ئەسكەرتىلدى.
مۇناسىۋەتلىك خەۋەرلەر
نىگېرىيەدە بىر جامەدە پارتلاش يۈز بېرىپ 11 ئادەم قازا قىلدى
نىگېرىيەنىڭ كانو ئۆلكىسىدىكى بىر جامەدە يۈز بەرگەن پارتلاشتا 11 ئادەم ھاياتىدىن ئايرىلدى.
