afghanistanda chiqqan toqunushta 21 adem öldi

türkiye awazi radiyosi xewiri: afghanistanda ikki kündin buyan qaysar we almar nahiyeliride dawamlishiwatqan étishishlarda 20 taliban ezasi bilen bir eskerning ölgenliki élan qilindi. ölgenler arisida talibanning rayonda tesiri eng küchlük bir qomandanining barliqi bildürüldi. étishishta yene, 16 taliban ezasi bilen üch esker yarilandi. afghanistan miqyasida partizanliq urush taktikilirini qollanghan taliban, amérika hawa hujumini toxtatqandin kéyin istratégiyesini özgertip bezi rayonlarni qolgha kirgüzüsh meqsitide hujum qilmaqta. taliban buningdin üch kün burun qaysar nahiyeside bashlighan hujumlarda alte adem hayatidin ayrilghan idi. afghanistanda pirézidéntliq saylimi ötküzülginige ikki ay bolghan bolsimu, qaysi namzatning ghelibe qilghanliqigha munasiwetlik talash – tartishlarning hazirghiche tügimesliki weziyetni téximu ötkürleshtürüp, hakimiyettiki boshluqni chongqurlashturwetti.
térrorluqqa qarshi küresh qilish üchün afghanistanda turuwatqan nato qisimliri yil axirighiche chékinip bolush üchün teyyarlanmaqta.