26.07.2017
bir heptidin buyanqi chet el gézitliride asasiy salmaqni igiligen xewerlirimizning qisqiche mezmuni töwendikiche:
amérikidiki Bloomberg téléwiziye qanili «türkiye rusiyening bashqurulidighan bombilirigha yüzliniwatqan bir peytte erdoghan gérmaniye bilen natogha mundaq xitap qildi» serlewhilik xewiride munu uchurlargha orun ajratti: «jumhur reis rejep tayyip erdoghan türkiyening rusiyedin S-400 tipliq bashqurulidighan bomba mudapie batiriyelirini sétwélish üchün rusiye bilen muzakire ötküzüwatqanliqini, rusiyedin sétiwélinidighan bashqurulidighan bomba mudapie batiriyelirining natoning sistémilirigha mas kelmeydighanliqini, amérikining bu mesilidin endishe qilishining toghra emeslikini, amérikining süriyediki térrorluq teshkilatliri bilen hemkarliship heriket qiliwatqanliqini eyibleydighanliqini bildürdi, erdoghan yene rusiye bilen türkiye otturisidiki muzakirilerning dawamlishidighanliqinimu eskertti, erdoghan mundaq dédi: türkiye jumhur reisi bilen ministirlirining dölitinglarda söz qilishigha ruxset qilmaysiler, lékin jasosliringlar dölitimizde xalighanche heriket qilip dölitimizni bölüshke uruniwatidu, nede mundaq ish bar, buninggha qetiy yol qoymaymiz, igilik hoquqimizgha hörmet qilishinglar kérek, adil we barawerlik astigha hemkarliq ornatsaq bolidu, lékin bizge hörmetsizlik qilinsa buninggha tégishlik jawab qayturimiz.»
ezerbeyjandiki Trend agéntliqi «ibrahim kalin: yawropa bilen gérmaniyeni agahlandurdi»serlewhilik xewiride munu uchurlarni ortaqlashti: «jumhur reislik idarisi bayanatchisi ibrahim kalin kündilik sabah gézitige yazghan maqaliside yéqinqi mezgillerde türkiye- gérmaniye otturisida meydangha kelgen mesililer toghruluq toxtaldi. ibrahim kalinning bu maqaliside mundaq déyildi: türkiyeni ziyaret qilghan yaki dölitimizde igilik bilen shughulliniwatqan gérmaniye puqralirigha dölitimizde héchqandaq tehdit we xeter yoq,bir gérmaniye puqrasining nazaret astigha élinishi qanun dairisige kiridu, bu mesilide axirqi qararni sot chiqiridu, shundaqla qolimizda gérmaniye shirketlirige munasiwetlik qara tizimlik yoq.»
BBC «gherb dunyasi türkiyege yüzlinishi kérek»serlewhilik xewiride munu uchurlarni oqurmenliri bilen ortaqlashti: «engliyede chiqidighan pul-muamile waqit gézitining xelqara xewerler muherriri déywid gardnér gherb dunyasining enqere bilen bolghan munasiwitini kücheytishining yawropa we ottura sherqqe paydiliq bolidighanliqini yazdi. gardnér gherb döletlirining süriye bilen iraqta bölgünchi térrorluq teshkilati p k k ning süriye gumashtisi bolghan y p g ni qollishining éghir xataliq bolghanliqini bildürdi, gardnér mundaq dédi: gherb dunyasi bezide türkiyeni qoldin bérish qoyushtek xeterge tewekkül qiliwatidu, türkiyening rusiyege yéqinliship kétishini nezerdin saqit qilmaqta, bir zamanlarda türkiyege nisbeten istiratégiyelik merkez we islahat motori hésablinidighan yawropa ittipaqi döletlirmu türkiyening ezaliqigha tosalghular qoyushqa bashlidi, shunga hazirghiche bu döletlerning gepliri oxshash chiqip baqmidi.»
amérika awazi «némislarning köp qismi gérmaniye hökümitining türkiye siyasitini toghra dep qarimaydu»serlewhilik xewiride munu uchurlargha orun ajratti: «bild am sontag géziti teripidin élip bérilghan ray sinashning netijilirige asaslanghanda, némislarning %76i gérmaniye hökümitining türkiye siyasitini toghra dep qarimaydiken, gérmaniye tashqi soda uyushmisi bashliqi wélt am sontag gézitining ziyaritini qobul qilip türkiye-gérmaniye munasiwiti yirikleshken teqdirde gérmaniye shirketlirining kirimlirining töwenlep kétidighanliqini bildürüp gérmaniye hökümtiini agahlandurdi. gérmaniye bash ministiri angéla mérkélning katipi pétér altmayér bild am sontag gézitining ziyaritini qobul qilip mundaq dédi: qudretlik we muhim dölet türkiye bilen yaxshi munasiwet ornitishni xalaymiz.»
xitay xelqara radiyosi «xitay sayahetchilirining türkiyede qilghan soda-stéiqlirida körinerlik éshish körüldi»serlewhilik xewiride munu uchurlarni oqurmenlirining diqqitige sundi:«dunyada bajsiz soda-sétiqlarning %40ni teshkil qilidighan we yuqiri bahaliq tawarlarni sitiwélishqa köngen xitay sayahetchilerning türkiyediki soda-sétiqlirimu körinerlik ashti, bu yilning deslepki yérimida xitay sayahetchilirining türkiyediki soda-sétiqlirining miqdari bulturqining oxshash mezgilige sélishturghanda %119 ashqan,xitay sayahetchilirining türkiyediki soda-sétiqlirining miqdari chet elliklerning türkiyediki soda-sétiqlirining omumiy miqdarining%7ni teshkil qilghan. bu yilning deslepki yérimida türkiyede eng köp soda-sétiq qilghan milletler ichide xitaylar tötinchi qatarda orun alghan.»
