chet el metbuatlirida bu hepte: 15.02.2017

rusiyediki xelqara xewer agéntliqi Sputnik «türkiye büyük millet mejlisini <süniy eqil>qoghdaydu» serlewhilik xewiride munu uchurlargha orun ajratti: «türkiye parlaméntining bixeterliki <süniy eqil>ge amanet qilindi. <yüz tonush, pilakat oqush we aptomobil astini körünüshke élish>qatarliq iqtidarlargha ige bu sistéma, heriketchan kaméralar arqiliq türkiye büyük millet mejlisi qorusidiki her bir kishining hemme herikitini közitip signal bérip turidu. tamamen yerlik mehsulat bolghan bu sistéma türkiyede tunji qétim türkiye büyük millet mejliside ishlitilidu.»

ezerbeyjandiki xewer agéntliqi Trend «amanos taghliridiki p k k bazilirigha zerbe»serlewhilik xewiride munularni oqurmenliri bilen ortaqlashti: «türkiye armiyesi amanos taghliridiki térrorchilarning bazilirigha herbiy heriket élip bardi. türkiye armiye bash qomandanliq ishtabining bildürüshiche, tünügün saet 21:10 etrapida amanos taghlirigha türkiye hawa armiyesige tewe urush ayropilanliri herbiy heriket élip barghan,  rayonda bayqalghan bölgünchi térrorluq teshkilatigha tewe 4 baza bitchit qilinghan bolup,  wezipilirini muweppiqiyetlik orundighan urush ayropilanliri saq-salamet bazilirigha qaytip kelgen. hatay waliysi erdal ata, tünügün amanos taghlirida térrorluq teshkilati p k k gha qilinghan herbiy herikette, bir türk eskirining shéhit bolghanliqini bildürgenidi.»

rusiyediki TASS agéntliqi «erdoghan: daéshtin tazilanghan zéminlarda bixeter rayon berpa qilish kérek, dédi»serlewhilik xewiride munularni eskertti: «behreyinde ziyarette bolghan türkiye jumhur reisi rejep tayyip erdoghan, türkiyening süriyede térrorchilardin tazilanghan texminen 5000 kuwdart kilométirliq jayda bixeter rayon berpa qilmaqchi bolghanliqlirini bildürdi. erdoghan: <el-babni daéshtin tazilash herbiy herikitimiz axirlishish aldida turmaqta. xelqara ittipaqdash qisimliri bilen raqqe we minbichning azad qilinishi üchün élip bérilidighan herbiy herikette birlikte heriket qilsaq, u jaylarda térrorchilardin tazilanghan bixeter rayon berpa qilinidu>dédi. erdoghan yene enqerening <ittipaqdash qisimlargha bu jaylarda uchushqa cheklengen rayonningmu berpa qilinishi kéreklikini>burunmu dégenlikini éytti.»

engliyediki roytéris géziti «aféna hökümiti yüz yildin kéyin girétsiyede osmanli dewirdin buyanqi tunji jameni salidu»serlewhilik xewiride munularni yazdi: «girétsiyening paytexti afénada yashawatqan yérim milyon musulman, bir esirdin köprek waqittin kéyin tunji resmiy jamege érishidu. 1833-yildiki osmanli hakimiyitidin hazirghiche sheherde resmiy jame bolup baqmidi. muawin tashqi ishlar ministiri jonnis amanatidis, bultur parlaméntta <dini makandin mehrum>birdinbir yawropa paytextining aféna ikenlikini éytqanidi.»

irandiki irib radiyosi we intérnét tor békitide «türkiyege qilinghan ziyaret némidin dérek béridu»serlewhilik xewiride munularni oqurmenlirining diqqitige sundi: «türkiye térrorluq teshkilati daéshqa qarshi herbiy heriket élip bérip zor utuqqa ériship xelqaraning diqqitini qozghidi. enqere süriyeni térrorizimdin tazilap bixeter rayon berpa qilishta qetiy niyetke kelgendek qilidu. amérikida donald tramp hakimiyet béshigha kelgendin kéyin bolupmu amérika we engliyelik siyasetchi we xewpsizlik ishliri mesulliri türkiyeni ziyaret qilishqa bashlidi. engliye bash ministiri mayning enqere ziyaritidin kéyin amérika merkizi istixbarat idarisi CIA bashliqi türkiyeni ziyaret qildi, shu küni engliye armiye bash qomandanliq ishtabi bashliqi bilen birleshken döletler teshkilati bash katipimu enqereni ziyaret qildi. buningdin shuni chüshiniwélishqa bolidiki, süriyede bixeter rayon berpa qilish we daéshqa qarshi zerbe bérish heriketliride türkiyening roli heqiqeten chong. yéqinqi zamanlarda gherbning tutruqsiz heriketliri seweblik türkiye bilen rusiye yéqinliship ketkenidi, nöwette gherb dunyasi bu xataliqini tüzitishning koyigha kirmekte.»

amérika awazi «türkiye qibris muzakiriliride kem bolsa bolmaydu»serlewhilik xewiride munularni oqurmenliri bilen ortaqlashti: «qibris mesilisini hel qilish üchün martta jenwede ötküzülüshi pilanlanghan muzakirilerdin ilgiri qoyuq diplomatik uchrishishlar élip bérilmaqta. diplomatik uchrishishlarda bixeterlik we hamiyliq mesililirining türkiyege nisbeten kem bolsa bolmaydighan mesililer süpitide küntertipke keldi. bixeterlik we hamiyliq mesililiridiki inchke nuqta bolsa qibris türk xelqining kélechikining kapalet astigha élinishi we kütülmigen köngülsiz weqening yüz bermeslikidur. qibris arilida qurulidighan yéngi hakimiyetning adil we barawer bolushi, her ikki terepke wekillik qilidighan qurulma berpa qilish kem bolsa bolmaydighan mesililerdin hésablinidu.»