Italiýa Türkiýe bilen söwda gatnaşyklaryny ösdürmegi maksat edinýär
Italiýa Türkiýe bilen arasyndaky söwda mukdary 30 milliard dollara ýetirilmegi maksat edinýär
Italiýanyň Ankaradaky Adatdan daşary we Doly ygtyýarly ilçisi Massimo Gaýani, Italiýanyň Premýer ministri Konteniň, Türkiýe bilen Italiýanyň arasyndaky söwda mukdarynyň 30 milliard dollara ýetirilmegini maksat edinýändigine ünsi çekdi.
Gaýani Anadoly habarlar gullugyna beren beýanatynda, Türkiýe bilen Italiýanyň arasyndaky güýçli dostlukly gatnaşyklara aýratyn ünsi çekdi.
Türkiýäniň geljek ýyl ýaňadandan ösüş depgininiň ýokarlamagyna garaşylýandygyny aýdan Gaýani, “Türkiýäni şol bir wagtda Orta Aziýa we beýleki bazarlar üçin arabaglanşyk nokady hökmünde görýäris. Özara gatnaşyklarymyzy ösdürmek üçin uly mümkinçiligimiz bar” diýdi.
Türkiýe bilen Italiýanyň arasyndaky söwda mukdarynyň 20 milliard dollara barabardygyny aýdan Gaýani, “Italiýanyň Premýer ministri Konte, özara söwda gatnaşyklarymyzdan hoşal. Bize Türkiýe bilen Italiýanyň arasyndaky söwda mukdarynyň 30 milliard dollara ýetirilmegi üçin görkezme berdi. Biz şol maksada ýetmek üçin uly tagalla edýäris” diýdi.
Degişli Habarlar
Gündogar Gara Deňiz Sebitiniň Önümleri 120 Ýurda Eksport Edildi
Eksport edilen önümleriň sanawynda 258 million 101 müň 314 dollar bilen funduk esasy orun eýeledi.
