“Boeing” kompaniýasy ABŞ-nyň Eýrana goýan goşmaça sanksiýalary sebäpli ylalaşyklary bes etdi
“Boeingiň” ýolbaşçysy: “Eýrana häzirki wagta çenli ýekeje uçaram gowşurmadyk we indi lisenziýamyz bolmandygy üçin berip hem bilmeris” diýdi
“Boeingiň” ýolbaşçylaryndan biri Eýran bilen 2015-nji ýylda gol çekişilen Giň gerimli hyzmatdaşlyk meýilnamasyndan soň gazanylan ylalaşyklara laýyklykda häzirki wagta çenli ýekeje uçaryň hem berilmändigini aýtdy.
“Boeingiň” ýolbaşçysy: “Eýrana häzirki wagta çenli ýekeje uçaram gowşurmadyk we indi lisenziýamyz bolmandygy üçin berip hem bilmeris” diýdi.
“Boeing” 40 ýyla golaý dowam eden embargo sebäpli ABŞ-dan ýolagçy uçaryny we uçarlaryň ätiýaç şaýlaryny satyn almadyk Eýran bilen 2016-njy ýylyň dekabrynda 16,6 millaird dollarlyk, 2017-nji ýylyň aprel aýynda 3 milliard dollarlyk iki ylalaşyga gol çekişipdi.
“Boeingiň” ylalaşyklary bes etmegine ABŞ-nyň Prezidenti Donald Trampyň geçen aý meýilnamadan çekilmek barada kabul eden karary we 2015-nji ýylda bes edilen sanksiýalaryň ýaňadandan goýuljakdygy sebäp boldy.
Eýranda howaýollary kompaniýalarynyň embargo sebäpli uçar flotuny täzeläp bilmändigi üçin soňky 39 ýylda 200-den gowrak uçar heläkçiligi we 2 müňden gowrak adam pida boldy.
Degişli Habarlar
Gündogar Gara Deňiz Sebitiniň Önümleri 120 Ýurda Eksport Edildi
Eksport edilen önümleriň sanawynda 258 million 101 müň 314 dollar bilen funduk esasy orun eýeledi.