Zeýbekji: “Türkiýe Erdoganyň görkezmesi bilen Katara goýulan embargolara garşy durýar”

Zeýbekji Pars aýlagy sebitinde ýerleşýän ýurtlaryň arasyndaky düşnüşmezligiň çözülmegini we doganlyk gatnaşyklarynyň höküm sürmegini isleýändiklerini nygtap, Türkiýe bilen Kataryň arasyndaky gatnaşyklaryň ösdürilmelidigini beýan etdi.

Zeýbekji Türkiýäniň Kataryň ähli isleglerini kanagatlandyryp biljekdigine ünsi çekip, saglygy goraýyş syýahatçylygy, tehnologiýa we beýleki ähli ugurlarda iki ýurduň telekeçileriniň hyzmatdaşlyk edip biljekdigini aýtdy.

Ministr Zeýbekji Kataryň Ykdysadyýet we söwda ministri Şeýh Ahmed Bin Jasim bin Ahmed Al Sani bilen bilelikde iki ýurduň işewür adamlarynyň we jemgyýetçilik guramalarynyň gatnaşmagynda geçirilen “Türkiýe-Katar özara işewür duşuşyklaryny” açdy.

Duşuşyga gatnaşan türk we katarly firmalara doly ynanýandygyny nygtan Zeýbekji, Katara garşy embargo goýulan badyna İzmirdäki firmalara telefon edendigini belläp; “İlkinji gezek size aýdýaryn, İzmirdäki şol işewürler, ilkinji harydy ugradanlar; “Biz muny näme üçin ugradýarys, nyrhy näçe bolar, tölegi tölenermi, tölenmezmi?” diýip soramadylar. Olar ençeme haryt ugratdylar, emma hiç hili ikirjiňlenmeleri, soraglary bolmady. Uzak möhletde durnukly gatnaşyklar ola goýulmaly. Bilelikde maýa goýmak isleýäris” diýdi.

Zeýbekji Katardan 80-90 töweregi firmanyň, Türkiýeden bolsa 150-den gowrak firmanyň wekilleriniň İzmirde jemlenendigini belläp; “Kemçiliklerimizi bilelikde düzedip bileris. kataryň isleglerini diňe şu taýda öndürip, taýar ugratmak däl, önümçilige bärde başlap, aňyrda dowam edip, Kataryň durnukly azyk, oba hojalyk, ähli gumanitar we howpsyzlyk islegleri kepillendirilip bilner” diýdi.