Terrora Garşy Egilşiksiz Göreş Dowam Edýär

Yragyň demirgazygynda ýerleşýän Gara we Kandil etrapçalaryna guralan howa hüjüminde, terror guramasynyň ýokary derejeli ýolbaşçylarynyň bolýan ýeri bilen birlikde ekstremist terror guramasy PKK/KJK-a degişli 12 ýer nyşana alyndy we hatardan çykaryldy.

Milli Goranmak ministrliginiň sosial mediadan beren habarnamasynda, ekstremist terror guramasy PKK/KJK-ny we beýleki terrorçy toparlary täsirsiz ýagdaýa getirip Yragyň demirgazygyndan Türkiýä we howpsuzlyk güýçlerine abanýan howplary ortadan aýyrmak we serhetleriň howpsuzlygynyň üpjün edilmegi maksady bilen howa hüjüminiň guralandygy nygtaldy.

Habarnamada, BMG-nyň şertnamasynyň 51-nji maddasyna laýyklykda, Yragyň demirgazygynda ýerleşýän Gara we Kandil etrapçalaryna Türkiýe wagty bilen 18.00-da howa hüjüminiň guralandygy nygtaldy.

Habarnamada, howa hüjüminde, terror guramasynyň ýokary derejeli ýolbaşçylarynyň bolýan ýeri bilen birlikde ekstremist terror guramasy PKK/KJK-a degişli 12 ýeriň nyşana alynandygy we hatardan çykaryldyğy bellenildi.

Ýerli we milli ýaraglar we ok-däri bilen guralan howa hüjüminde köp sanly terrorçynyň täsirsiz ýagdaýa getirlendigi ýatladyldy.

Milli Goranmak ministrliginiň habarnamasynda, howa hüjüminde asuda ilata, dost güýçlere, taryhy we medeni gymmatlyklara zeper ýetirilmezligi üçin degişli çäreleriň görlendigine üns çekildi.