PKK/ÝPG-niň brigada jogapkäri Nejdet Daglarer täsirsiz ýagdaýa getirildi

Türkiyäniň Milli Howpsuzlyk gullugy tarapyndan geçirilen ýörite operasiýada, Geli Serhat adyny ulanýan Nejdet Daglarer Türkiyede alyp baran işleri we Siriýada Türkiyäniň Ýaragly güýçlerine garşy amala aşyran aksiýalary sebäpli nyşana sanawyna alynypdy. 

2020-nji ýylda Aýn Al Arap welaýatynyň tunnellerden we söweşjeň liniýalardan jogapkär ýolbaşçysy bolan terrorçy Nejdet Daglarer, täsirsiz ýagdaýa getirilen mahaly guramanyň Çawreş brigadasynyň jogapkär ýolbaşçysydy. 

Howpsuzlyk çeşmeleri, Siriýadaky iň uly terror birikmeleriniň biri bolan Çawreş brigadasynyň jogapkär ýolbaşçysynyň täsirsiz ýagdaýa getirilmeginiň guramanyň Siriýadaky düzümine uly zyýan ýetirendigini beýan edýär. 

Beýlaki tarapdan Içeri işler ministrliginiň koordinasiýasynda Žandarma güýçleriniň Baş serkerdeligi we Içeri işler edarasynyň Baş müdürligi tarapyndan geçirilen işleriň netijesinde PKK-nyň hataryndan gaçan 3 terrorçy howpsuzlyk güýçlerine boýun egdi. 

Geçirilen işleriň netijesinde 1-nji ýanwardan bäri guramanyň hataryndan gaçyp howpsuzlyk güýçlerine boýun egen terrorçylaryň sany 101-a ýetdi.