Germaniýanyň Ankaradaky ilçisi Daşary işler ministrligine çagyryldy
Türkiýäniň Ştutgart şäherindäki Baş konsullygynyň resmi ulagynyň ýakylmagy sebäpli Germaniýanyň Ankara şäherindäki Adatdan daşary we doly ygtyýarly ilçisi Ýurgen Şuls Türkiýäniň Daşary işler ministrligine çagyryldy
Türkiýäniň Daşary işler ministrliginden berilen beýanata görä 18-19-njy iýul gijesi Baş konsullygyň ulagynyň ýakylmagy, ýangynda we partlamada golaýdaky beýleki ulaglara hem zyýan ýetmegi sebäpli Germaniýanyň Ankara şäherindäki Adatdan daşary we doly ygtyýarly ilçisi Ýurgen Şuls Türkiýäniň Daşary işler ministrligine çagyryldy.
Geçirilen duşuşykda Ýurgen Şulsa soňky birnäçe aý bäri Germaniýada ýerleşýän Türkiýäniň wekilhanalaryna garşy guralan biri-birinden tapawutly hüjümlere salgylanyp, Türkiýäniň Germaniýanyň Ştutgart şäherindäki Baş konsullygyna garşy guralan hüjümiň jogapkärleriniň iň tiz wagtda tussag edilip kazyýetiň öňüne çykarylmagyna, diplomatik düzgünlerine laýyklykda zyýanyň öweziniň dolunmagyna we halkara ylalaşyklaryň Türkiýäniň wekilhanalary we bähbitleri üçin göz öňünde tutulan hemaýatkärligiň we howpsuzlygyň kemçiliksiz ýagdaýda üpjün edilmegine garaşylýandygy ýatladyldy.
