Resmiler 15-nji iýul Demokratiýa we Milli jebislik güni mynasybetli ýüzlenme berdiler

Adalat ministri Bekir Bozdag, sosial media hasabyndan beren beýanatynda: "Mundan beýläk agdarlyşyk synanyşygyny etmegi niýet eden we synanyşmagy meýil eden hyýanatçylar, hemişe öňlerinde türk milletini görerler" diýip belledi. 

Prezidentiň Metbugat geňeşçisi Ibrahim Kalyn hem sosial media hasabyndan beren beýanatynda, FETÖ agza hyýanatçylara gujak açan ýurtlara ýüzlenip: "Gursagyňyzda besleýän ýylanlaryňyz, günleriň birinde sizi hem çakar, şol zäherli gurluşdan iň tiz wagtda azat boluň" diýip belledi. 

Adalat we ösüş partiýasynyň metbugat geňeşçisi Ömer Çelik hem sosial media hasabyndan beren beýanatynda, 15-nji iýulyň jebisligiň we gahrymançylykly garşylygyň ýyllygydygyny ýatladyp: "Eziz milletimiz, terrorist basyp alyşlyk synanyşygyna garşylyk görkezdi we hyýahatçylykly agdarlyşyk synanyşygyny ýatyrdy" diýip habar berdi. 

Kommunikasiýalar edarasynyň başlygy Fahrettin Altun hem 15-nji iýul Demokratiýa we Milli jebislik güni mynasybetli sosial media hasabyndan beren ýüzlenmesinde, şol gije lideriniň çagyryşyna laýyklykda köçelere çykan milletiň özygtyýarlylygyna, garaşsyzlygyna we demokratiýasyna eýe çykandygyny, şeýlelik bilen milletiň özbaşdaklygyň eýesiniň hut özüdigini bütin dünýä yglan edendigini mälim etdi.