Yragyň demirgazygynda terror guramasy PKK-a agza 5 terrorçy täsirsiz ýagdaýa getirildi
Yragyň demirgazygynda dowam edýän Penje-Gulp operasiýasy sebitinde ekstremist terror guramasy PKK-a agza 5 terrorçy täsirsiz ýagdaýa getirildi
Türkiýäniň Milli Goranmak ministrliginiň Twitter hasabyndan berilen beýanatda: "Terrora we terrorçylara garşy göreşimiz tutanýerlilik, erjellik we ýokary motiwasiýa bilen dowam edýär. Gahryman esgerlerimiz Yragyň demirgazygynda dowam edýän Penje-Gulp operasiýasy sebitinde ekstremist terror guramasy PKK-a agza 5 terrorçyny täsirsiz ýagdaýa getirdi" diýip habar berildi.
Beýleki tarapdan Siirt welaýatynyň Perwari etrabynyň Herekol Dagy diýilýän ýerinde ekstremist terror guramasy PKK-a agza 2 terrorçy täsirsiz ýagdaýa getirildi.
Içeri işler ministrliginden berilen beýanatda, Eren Gabaw-17 operasiýasynyň çäginde ekstremist terror guramasyna agza 2 terrorçynyň ellerindäki ýaraglary we enjamlary bilen bilelikde täsirsiz ýagdaýa getirilendigi mälim edildi.
Beýanatda sebitdäki operasiýalaryň dowam edýändigi aýan edildi.