Prezident Erdogan Ysraýylly Kärdeşi Bilen Telefon Arkaly Söhbetdeşlik Geçirdi

Prezident R. T. Erdogan, Ysraýylyň Prezidenti Ishsak Gersog bilen telefon arkaly söhbetdeşlik geçirdi.

Prezidentiň ýanyndaky Kommunikasiýalar edarasyndan berlen beýannama görä, iki kärdeş telefon söhbetdeşliginde özara gatnaşyklar bilen birlikde sebitara meseleler hakynda pikir alyşdy.

Prezident Erdogan, Ysraýylyň Prezidenti Gersogyň Ankara guran sapary bilen kadalaşmaga başlan özara gatnaşyklaryň dowam etdirilmegini arzuw edýändiklerini nygtady.

Ysraýylda soňky günlerde guralýan terrorçylykly hüjümleri ýazgaran Erdogan, hüjümde ýaralananlara gynanç bildirdi, ýaralananlara şypa diledi.

Palestinalylaryň Oraz aýynda Aksa metjidine we Ysraýyla girmegine rugsat berilmeginiň ähmiýetini nygtan Erdogan, ysraýylly ýolbşaçylaryň Oraz aýynyň soňky 10 gününde Aksa metjidiniň 24 sagat ybadata açyk bolmagy meselesine ünsli çemeleşmäge dowam etmeklerine garaşýandygyny ýene-de bir gezek nygtady.

Oraz aýynyň we Paska baýramynyň asuda ýagdaýda geçmegini arzuw edýän Prezident Erdogan, Ysraýylyň Prezidenti Gersogyň we ähli musewileriň Paska baýramyny gutlady.

Ysraýylyň Prezidenti Gersog hem Oraz aýy mynasybetli Prezident Erdogany gutlady.