Mewlüt Çawuşogly ADF-nyň Çäginde Ýaşlaryň Soraglaryna Jogap Berdi

Daşary işler ministri Mewlüt Çawuşogly, ýurtlaryň güýjüniň ykdysady, harby, medeniýet, sungat, ylym we bilim ýaly ugurlardaky güýji bilen ölçelýändigini nygtady.

Çawuşogly, Antalýa Diplomatiýa forumynyň çäginde ADF Ýaşlar temasy bilen geçirlen TRT-niň oturluşygynda ýaşlaryň soraglaryna jogap berdi.

Çawuşogly, ýurtlaryň güýjüniň ykdysady, harby, medeniýet, sungat, ylym we bilim ýaly ugurlardaky güýji bilen ölçelýändigini nygtap, ýokarda ady agzalýan ugurlaryň ähmiýetine ünsi çekdi.

Halkara gatnaşyklarda berk tutum we ýumşak güýç adalgalarynyň bardygyny ýatladan Çawuşogly, Daşary işler ministrliginden daşary TİKA, Ýunus Emre instituty we THÝ ýaly guramalaryň Türkiýäniň ýumşak güýjüne uly gonaşt goşýan guramalardygyny belledi.

Türkiýäniň ýumşak güýjünde türk seriallarynyň esasy orun eýeleýändigini ýatladan Çawuşogly, türk seriallaryna dünýäniň çar tarapynda tomaşa edilýändigini nygtady.

Medeniýet diplomatiýasyna ynanýandyklaryny nygtan Çawuşogly “Biz sungat ussalatymyzyň, sungadyň we medeniýetiň ähli ugurlary boýunça uly üstünlikler gazanan ýoldaşlarymyzyň daşary ýurtarda durmuşa geçirýän işlerine maddy we ruhy taýdan goldaw berýäris” diýdi.