Prezident Erdogan, ABŞ-nyň Prezidenti Baýden Bilen Telefon Arkaly Söhbetdeşlik Geçirdi

Prezidentiň ýanyndaky Kommunikasiýalar edarasyndan berlen beýannama görä, Prezident R. T. Erdogan, ABŞ-nyň Prezidenti Jo Baýden bilen telefon arkaly söhbetdeşlik geçirdi.

Iki lider telefon söhbetdeşliginde Russiýanyň Ukraina garşy guraýan hüjümleri bilen birlikde Türkiýe-ABŞ gatnaşyklary hakynda pikir alyşdy.

Prezident Erdogan telefon söhbetdeşliginde, Russiýa bilen Ukrainanyň arasyndaky krizisiň syýasy taýda çözülmegi üçin tagalla etmäge dowam edýändiklerini nygtady.

Türkiýäniň tagallasy netijesinde Russiýa bilen Ukrainanyň Daşary işler ministrleriniň şu gün Antalýada geçiren duşuşygynyň ähmiýetine ünsi çeken Erdogan, duşuşygyň geçirilmeginiň diplomatyýa taýdan uly ýeňişdigini belledi.

Prezident Erdogan, Türkiýäniň ABŞ-dan 40 sany täze uçar almagy we F-16-laryň döwrebaplaşdyrylmagy talabyna gysga wagtda oňyn jogap berilmegine garaşýandyklaryny nygtap, goranyş senagaty pudagynda Türkiýä goýlan nähak sanksiýalaryň ortadan aýrylmagynyň wagtynyň gelendigini ýatlatdy.