Ysraýylyň Prezidenti Türkiýä sapar gurar

Prezidentiň ýanyndaky Kommunikasiýalar edarasyndan berilen beýanata görä, 9-10-njy mart aralygynda amala aşyryljak saparyň çäginde geçiriljek duşuşyklarda ikitaraplaýyn gatnaşyklar ählitaraplaýyn gözden geçiriler. 

Geçiriljek duşuşyklarda Türkiýe bilen Ysraýylyň arasyndaky hyzmatdaşlygyň ösdürilmegi üçin ediljek ädimleriň ele alynmagy bilen birlikde güntertibiniň ileri tutulýan sebitleýin we halkara meseleler boýunça pikir alyşylmagy göz öňünde tutulýar. 

Ysraýylyň Prezident diwany tarapyndan berilen beýanata görä, Ishak Gersog Prezident Rejep Taýýip Erdoganyň çakylygyna laýyklykda, aýaly Mişel Gersog bilen bilelikde Ankara resmi sapar gurar. 

Saparyň çäginde iki lider Ysraýyl-Türkiýe gatnaşyklary, iki döwletiň we halklaryň arasynda tapawutly ugurlar boýunça hyzmatdaşlygyň giňeldilmegi bilen birlikde ençeme ikitaraplaýyn meseleleri ara alyp maslahatlaşarlar. 

Saparyň çäginde Ishak Gersog Stambuldaky Musaýy jemgyýetiniň agzalary bilen duşuşyk geçirer. 

Beýanatda mundan başgada Prezident Erdoganyň Ishak Gersogyň wezipä saýlanan mahaly gutlamak üçin Gersoga jaň edendigi ýatladyldy. 

Ysraýylyň Prezidenti Ishak Gersog 2008-nji ýyldan bäri Türkiýä sapar guran ilkinji ysraýylly lider bolar.