Prezident Erdogan Nigeriň Prezidenti Bazum bilen söhbetdeş boldy
Türkiýäniň Prezidenti Rejep Taýýip Erdogan Nigeriň Prezidenti Muhammed Bazum bilen telefon arkaly söhbetdeş boldy
Prezidentiň ýanyndaky kommunikasiýalar edarasyndan berilen beýanata görä, telefon söhbetdeşliginde Türkiýe-Niger gatnaşyklary bilen sebitleýin meseleler ara alynyp maslahatlaşyldy.
Prezident Erdogan, telefon söhbetdeşliginde Niger bilen gatnaşyklara uly ähmiýet berýändiklerini belläp, FETÖ garşy göreşde Nigeriň ýakyn hyzmatdaşlygyny dowam etdirjekdigine ynanýandygyny beýan etdi.
Nigerde sişenbe güni guralan ýaragly hüjümde ýogalan adamlar zerarly gynanç bildiren Prezident Erdogan, Türkiýäniň Nigeriň terrora garşy göreş tagallalaryny goldaýandygyny habar berdi.
Prezident Erdogan Niger tarapyndan Türkiýeden satyn alynjak TB2 ýaragly uççarmansyz howa ulaglarynyň, Hürkuş tälim uçarynyň we sowutly ulaglaryň bu ýurdyň harby we howpsuzlyk güýçlerini artdyrjakdygyny mälim etdi.
