Prezident Erdogan Türkiýäniň Ýaşlary maslahatyna gatnaşdy
Prezident Rejep Taýýip Erdogan: "Ýewropadan Kanada çenli mümkin bolan ähli pursatda adam hukuklary, demokratiýa, azatlyk bilen bagly nesihatlary berýänleriň taryhyndaky utandyryjy tegmilleri, bir-birden ýüze çykýar" diýip belledi
Prezident Erdogan, paýtagt Ankara şäherindäki Beştepe Millet kongres we medeniýet merkezinde geçirilen Türkiýäniň Ýaşlary maslahatynda eden çykyşynda, Srebrenisa gyrgynçylygynyň 26-njy ýyly sebäpli geçirilen hatyralama çäresiniň üstünde durup geçip: "Düýn 26-njy ýylyny belläp geçen Srebrenisa gyrgynçylygynda şehit bolan bosniýaly doganlaryma Alladan rehnet dileýärin" diýip nygtady.
Ýewropanyň ortasynda BMG-nyň gözüniň öňünde edilen bu gyrgynçylygyň adamzat taryhyna gara tegmil hökmünde ýazylandygyny aýdan Erdogan: "Wagşylyk bilen öldürilen 8 müň 372 doganymyzyň ýarasy ýüregimizi paralamaga dowam edýär. Tapylýan her bir köpçülikleýin mazar bilen gam-gussamyz ýaňadandan gaýtalanýar. Bu mazarlar gyrgynçylygy ýatdan çykarmazlyk, ýatdan çykardyrmazlyk jogapkärçiligini bize ýatladýar. Bular ýaly hadysalary başdan geçirmezlik üçin hem-de Günbataryň gyrgynçylyk hakykaty bilen garşylaşmagy üçin muny etmäge mejburdyrys. Ýewropadan Kanada çenli mümkin bolan ähli pursatda adam hukuklary, demokratiýa, azatlyk bilen bagly nesihatlary berýänleriň taryhyndaky utandyryjy tegmilleri, bir-birden ýüze çykýar" diýip belledi.
Degişli Habarlar
Hakan Fidan Palestina Temaly Maslahata Gatnaşdy
Palestina Döwletiniň has köp ýurt tarapyndan ykrar edilmegi üçin tagalla edilmeli