Türkiýe Koronawirus Sanjymlamasyny Dowam Etdirýär

Şol çäkde 14-nji ýanwarda sanjymyň birinji dozasyny etdiren saglygy goraýyş işgärlerine 11-nji fewralda ikinji doza sanjym edilmäge başlanar.

Gäzirki wagta çenli 2,620 000-den gowrak raýata sanjymyň birinji dozasy edildi. Birinji tapgyrda Türkiýä getirilen we barlag tapgyry tamamlanan 3 millon doza sanjymyň birnäçe günüň dowamynda edilip gutarylmagy meýilleşdirilýär.

Türkiýä 25-nji ýanwarda 10 million dozalyk sanjymyň 2-nji böleginde 6,5 million doza sanjym getirilipdi.

Ikinji tapgyrda getirilen sanjymyň analizleri dowam edýär. Analiziň netijesiniň belli bolmagyndan soň sanjymlaýyş işleri bellenen tertipde dowam eder.

Birinji tapgyryň W toparyna degişli bolan 65 ýaş we şondan ýokarda bolan raýatlaryň, soň bolsa nobaty bilen ikinji tapgyra degişli bolanlar sanjymlanmaga başlanar.

Tertibe görä 50-64 ýaş aralygyndaky raýatlar hem ikinji tapgyrda Kowid-19 sanjymyny etdirer.

Üçünji tapgyrda bolsa ilkinji nobatda hroniki keselli raýatlar sanjymlanar. Şol raýatlardan birinji nobatda 40-49 ýaş aralygyndaky sanjymlanar, soň bolsa 30-39 we 18-29 ýaş aralygyndaky raýatlara sanjym ediler.

Dördünji tapgyrda bolsa nobaty ýetendigine garamazdan wagtynda sanjym etdirmedikler sanjymlanar.