85 Ýaşyndan Ýokardaky Raýatlara Sanjym Edilmage Başlandy
“Mümkin bolan gysga wagtda has köp adama sanjym edilmegi üçin elimizden geleni edýäris”
Türkiýäniň koronawirusa garşy göreşi dowam edýär
Soňky 24 sagatda koronawirus sebäpli çekilen adam pidasy 159 boldy.
Epidemiýanyň başyndan bäri aradan çykan raýatlaryň sany 24 müň 487 adama ýetdi.
24 sagadyň dowamynda 168 müň 894 adam testden geçirilip, ýene-de 752 adama koronawirusyň ýokaşandygy anyklandy.
Gündelik hasaba alynanlaryň sany bolsa 6 müň 435 adama ýetdi
Saglyk ýagdaýy gowulaşyp öýlerine ugradylan 5 müň 932 adam bilen birlikde, jemi sagalan raýatlaryň sany 2 million 283müň 919 adama ýetdi.
Beýleki tarapdan Saglygy goraýyş ministri Fahrettin Koja, 85 ýaşyndan ýokardaky raýatlara şu gün sanjym edilmäge başlanandygyny aýtdy.
Ylmy geňeşiň maslahatyndan soň metbugata beýannama beren ministr Koja “Mümkin bolan gysga wagtda has köp adama sanjym edilmegi üçin elimizden geleni edýäris” diýdi.