Fuat Oktaý: "Türkiýäniň ykdysadyýeti güýçli makro esaslara eýe" diýip belledi

Prezidentiň orunbasary Fuat Oktaý, Halkara Maýadarlar jemgyýeti tarapyndan geçirilen "Halkara Maýa goýum" atly maslahata wideo ýüzlenme ugratdy. 

Fuat Oktaý, koronawirus epidemiýasynyň çalt depginler bilen artýandygyna ünsleri çekip, Türkiýäniň epidemiýa garşy göreş babatynda güýçli pozisiýadadygyny beýan etdi. 

Prezidentiň orunbasary Fuat Oktaý, Türkiýäniň başarnykly krizis dolanşygyny durmuşa geçirip, epidemiýadan iň az zyýan çeken ýurtlaryň biri bolandygyny habar berdi. 

Soňky wagtlarda başdan geçirilen makro ykdysady görkezijileriň hem üstünde durup geçen Oktaý: "Türkiýäniň ykdysadyýeti güýçli makro esaslara eýe we epidemiýa şol sebäpli berk esaslary üýtgedip bilmez" diýip aýan etdi. 

Oktaý, koronawirusyň maksatlaýyn häsýetdäki ýapylyşy zerur ýagdaýa getirendigini, şol öňüni alyş çäreleriniň ýylyň 2-nji çärýeginde 10 göterimlik bir peselişe sebäp bolandygyny, emma ýapylyş çäreleriniň ýeňilleşdirilmeginden soň jemi içerki önümiň 3-nji çärýekde 6,7 göterim derejesinde bir kadalaşma eltendigini belläp: "Türkiýe şol taýdan OECD-a we G20-a agza ýurtlardan, hatda Hytaýdan hem has güýçli görkezijilere eýe boldy" diýip habar berdi. 

Fuat Oktaý, Türkiýäniň senagat önümçiliginiň sentýabr aýynda awgust aýyna garanyňda 8,1 göterim artyp, Ýewropadaky iň ýokary önümçilik görkezijilerine eýe bolandygyna eýe bolup: "2020-nji ýyl üçin pes emma položitel ösüş görkezjilerine eýe bolmagyna garaşýarys. 2021-nji ýyl üçin bolsa ösüşiň 5,5 göterim bolmagyna garaşýarys. Elbetde maksadymyz bu görkezijini hem geçmekdir" diýip aýan etdi.